قمامة متناثرة على جانبَى الطريق، يجمعها «بلدوزر» ضخم، يحمل شعار الإدارة المركزية للنظافة وتجميل البيئة، ووسطه صندوق قمامة مكسور ترتع فيه الحشرات والكلاب الضالة وتنبعث منه الروائح الكريهة.. مشهد اعتاد عليه أهالى الحى الخامس بالعاشر من رمضان، يزيد سوءاً حين شاهد «مصطفى» البلدوزر التابع للحى، وهو يقوم بتكسير صناديق القمامة أثناء جمع الزبالة دون تغييرها أو تصليحها.
«بيجبرونا على رمى الزبالة حوالين الصندوق، ويرجعوا يقولوا لنا ارموا فى الصندوق، هو فين الصندوق ده؟»، قالها مصطفى محمد، متعجباً من ردود فعل الحى، بعد الشكوى التى قدمها فى سائقى البلدوزر وعمال النظافة، المتسببين فى تكسير الصناديق وإجبار السكان على إلقاء القمامة فى الشارع: «مفيش عندنا صندوق مش مكسور، كل يوم يعدى بلدوزر الحى يرفع الزبالة من الصندوق ويكسر صندوق جديد، لدرجة إننا بقينا نرمى فى الشارع لحد ما يجيبوا صناديق جديدة أو يصلحوها». فى كل مرة، يسمع الشاب الثلاثينى تبريرات من سائقى البلدوزر لا علاقة لها بالواقع: «كل مرة يقولوا لى الصناديق هى اللى مكسورة لوحدها، ارموا حوالين الصناديق لحد ما يتصلح القديم وإحنا هنلم الزبالة مكانكم»، وهو الرد الذى وصفه «مصطفى»، أحد سكان الحى الخامس، بـ«المستفز»: «مش عارفين نكلم مين؟، البلدوزر تبع الحى وهو اللى بيكسر الصناديق لما بيشيلوا الزبالة، وبقينا مجبورين نرمى حوالين الصندوق فى الشارع والمنظر بقى صعب».
من جانبه نفى محمد أسامة، مسئول إحدى شركات النظافة والتجميل التى تتعاقد معها الحكومة، التهمة عن سائقى البلدوزر: «مفيش سائق ولا عامل نظافة يجرؤ يكسر صندوق، ولو حصل بيبلغونا وإحنا بنصلحه أو نغيره تماماً، المشكلة اللى بتواجه الحى الخامس لو مع سائق بعينه، يصوروه»، مؤكداً أنه عقب الإبلاغ وتسليم الصور يجازى السائق وتصل العقوبة إلى الفصل.
0 التعليقات لــ "«بلدوزر النظافة» يحطم صناديق القمامة: «جه يكحلها عماها»"